Неизданные сочинения свт. Димитрия, митрополита Ростовского

Издавая к исполнившемуся 28 октября 1909 года 200-летию со дня кончины св. Димитрия, митрополита Ростовского, его проповеди на украинском наречии, я указал в своём предисловии, что сочинения Святителя, несмотря на эти прошедшие два века, не только не изданы полностью, но и далеко не все напечатаны. Можно с уверенностью сказать, что многие его произведения до сих пор ещё неизвестны читателям. Между тем сочинения св. Димитрия, выдержавшие несколько изданий, и до сих пор высоко ценятся любителями духовно-нравственного чтения.

По описи келейного имущества св. Димитрия, сделанной вскоре после его кончины иеромонахом Филаретом¹, в числе книг и рукописей значится:

а) собрание вещей различных,

б) различные вещи неисправленные,

в) непоправленные вещи различные.

Все оставшиеся после св. Димитрия книги и рукописи поступили в Московскую Синодальную типографию и Синодальную библиотеку. В числе таких рукописей с своеручными черновиками и поправками в Синодальной типографии находится единственная, за № 569, рукопись, носящая характер «неисправленных вещей». Эта рукопись в лист, на 583 лл. имеет заглавие: «Календарь или жития святых многие рукописи Ростовского Димитрия № 420», к сожалению, до сего времени ещё неописанная. Она содержит:

Л. 5. Краткая сведения о календарях, Нонах и Идах извещение.

Л. 7. Читателю благочестивому. Нач. Календарь еллино-римский древнейший вины ради сицевой.

Л. 9. Числа древнейшего еллино-римского календаря противо наших чисел полагаются сице.

Л. 10. Краткое о календарях, Нонах и Идах, извещение.

Л. 11. Календарь историчный, месяц март.

Далее жития разных святых.

Л. 466. Historia i Gergius Cedrenus 1057. 7. Baronins 1603. 8. Petrus opmeir (1611) хронограф, с греческого переведённый 1665 г.

Л. 537. Лета 7209 (1701) мая 13 во вторник в день в часе 12 в исходе преосвященный Игнатий Корсаков, митрополит Тобольский, преставился в Москве в монастыре Симоновском, а погребён в том же монастыре в 15 день в четверток преосвященным митрополитом Димитрием Сибирским, Трифилием Крутицким, Исаией Нижегородским и архимандриты: Новоспасским, Симоновским, Донским и Петровским, игуменом Даниловским.

Л. 569. От великого государя царя и в. к. Петра Алексеевича стольнику нашему Василию Романовичу Воейкову в нынешнем 1702 г. мая в 28 день выдать царское жалованье домовым его преосвященства двум чтецам и переводчикам по 30 р. на год, двум писцам по 10 р, двум дьяконам Ефрему да Евсевию 5 р. на год, келейнику его Пармену 4 р., кухарю его 4 р. слуге против его архиерейских домовых средних статей слуг. Выдать с расписками учителям греческого да латинского языков по 30 р. человеку, русскому 5 р. Да хлеб нищим, которые учиться будут русской грамоте по денге на день, а которые греческого и латинского языков по две денги. Припись дьяка Ивана Иванова. Справка подьячего Ивана Бутина. Печатных пошлин 3 р. 25 алтын.

В Московской Синодальной библиотеке в числе рукописей св. Димитрия находятся два сборника за №№ 811 и 858 со своеручной подписью святителя: «Разные неисправленные вещи». Затем в моём собрании находится рукопись (Охран. катал. № 2037) набело переписанная тоже своеручно св. Димитрием с заглавием: «Неисправленные вещи различные. Собраны в лето 1704 августа месяца в Ростове. Архиерей Димитрий». Эта рукопись на бумаге (по Тромонину 1681 г. № 545), в 4-ку, на 132 лл. Со 129 л. другой рукой переписано послание св. Димитрия к иереям; оно хотя и напечатано в собрании его сочинений, но с некоторыми вариантами. В начале рукописи находится оглавление статей.

I. Л. 1. Колико душ от женского пола в мужестем образе спасошася.

II. Л. 2. О освящении пречистых таин.

III. Л. 8. О женитве и о мясе.

IV. Л. 9. Собрание еретиков и ересей их.

V. Л. 47. Реестр еретиков.

VI. Л. 51. О свободе церковной.

VII. Л. 76. Входящим в церковь оружие вне оставляти.

VII. Л. 77. Никифор отъемый церковное имение и прочие последователи его.

IХ. Л. 90. Увещание попом архиерейское.

Х. Л. 97. О единогласии церковном.

ХI. Л. 102. Путь к Иерусалиму.

ХII. Л. 117. О стрижении власов и брады.

Статьи: IV, VI, IX и XI, находящиеся в моей рукописи, имеются и в синодальной рукописи № 811.

Эта синодальная рукопись в 4-ку, на 364 лл., писана разными почерками скорописью и полууставом и только наполовину своеручно св. Димитрием. Статья же о свободе церковной переписана полууставным почерком писца и, по всей вероятности, после 1709 г., т. е. после кончины святителя и притом имеет разницу против моей рукописи, писанной, как я уже выше сказал, своеручно св. Димитрием².

Статья: «О свободе святой церкви» имеет краткое предисловие, что это писание древнее написано бысть от некоторого духовного любомудрого мужа, в ведение хотящим. В лето от создания мира 7013, от Рождества Христова 1505 Февруариа месяца в последних числах. Дата 1505 г. должно быть 1705 г.; очевидно, св. Димитрий имел к этому основание, так как его келейная летопись, напечатанная лишь через три четверти века после его кончины, не заключает в себе статьи о свободе церковной, хотя она в несколько сокращённом виде и находится во всех рукописях его летописца.

В одной из моих рукописей (Охран. катал. № 830), с которой печаталась эта летопись в Московской типографии в 1784 г., эта вещь, уже исправленная автором (лл. 223–225), зачёркнута цензором, да и в само́й представленной для печати рукописи есть много цензурных поправок.

Помещая эту, «неисправленную вещь» св. Димитрия по его своеручной рукописи, я думаю через это хоть отчасти пополнить дефекты изданий собрания сочинений святителя Димитрия, митрополита Ростовского.

Ан. Титов.

Писание древнее, написано бысть от некоторого духовнаго и любомудраго мужа в ведение хотящим. В лето от создания мира ҂ꙁі҃ от Рождества же Христова ҂іф҃е (февруариа месяца в последних числах.

Святейшему и разумнейшему о Христе отцу духовнейшему господину, Божиим прозрением святыя церкве апостольскаго гонения славному ревнителю, смиренный святительства твоего слуга целование многое глаголет.

Безмерное твое человеколюбие и безчисленная пространная ко мне твоя благодеяния, отче святый, понуждаюте мене тебе всегда зде и везде и на всяко время послушна быти. Твое бо воистинну есть повелевати, мое же повеления твоя творити достойно есть. Никто бо в сей пресветлой русской стране в настоятелех есть, его же большею любовию почтити должен есмь, токмо тебе единаго ради всяких добродетелей явного образа и великия милости светлаго света, иже в тебе источнице сияют. Ты бо верен и православен раб Христов, свершен в божественном и человеческом совете, не равен всем, толико в божественных, елико в мирских разумех, убогих любитель и защититель, пленных искупитель. Ко мне убогому пространен, подателен и благоволен, убожеству и нищете моей милостями святыми помогая, к церковному правительству прилежен. Похвальнаго жития отец, тягчайшаго разума и великия святости, кратчайший, всякому писанию учен, вещей церковных и клироса отборонатай и любитель прилежен, на враги церковные и еретики ратователь крепчайший, милостив, разумен, праведен, милосерд, смирен, всякою добродетелью украшен, и ради жития святаго по всему и во всех церкви святой соборной потребен, толико словом, елико делом и учением духовным и временным храбре управляя, о твоей хвале гласят небо и земля и все стихии похвалу и честь достойно вопиют. Аз же како молчати возмогу, повелению же твоему послушание учинити достоин и якоже о церковных грабителех написати повелел еси, молю благовольне и любезне в сем малом писании по разума моего осязанию восприяти изволи. И мене за сие люби, защищай, покрывай, сохраняй, нищету мою милостынями питай, возмогай о Христе надолго благочестен. Слово кратко противу тех, иже в вещи священныя, подвижныя и неподвижныя соборныя церкви вступаются и отымати противу спасения души своея дерзают, заповеди Божия и церковныя презирающе, и православных царей и великих князей истинное клятвою законоположение разоряюще, и заповеди Божия преобидяще.

Ты заповеда заповеди твоя сохранити зело. От сих словес псалмопевца Давида, великого пророка, во псалме рі҃и, нам откровенно является всю словесную тварь Божиим заповедем быти повинну. Никто бо от человеков на земли живя коль свят, коль силен и велик, богат, мудр, верен, от сохранения заповедей Божиих свободен верится быти, вси бо вкупе; толико богатии, елико убозии, толико сильнии, елико немощнии, толико начальницы, елико царие, толико духовнии, елико мирстии, толико мужеск пол, елико женск сохраняти заповеди Божия зело должни есмы, под казнию или временною или вечною, яко во многих подобницех священнаго писания внизу писанных довольно явленно будет.

Пишет бо, како аудон человек, исполнь духа пророческого, благ и свят пророк погибе, от льва убиен, егда против заповеди Божии хлеб снеде у лжепророк, якоже пишет в третьей книзе Царств, глава і҃ї

Аще пророк, исполнь Духа Божия, и свят человек единыя ради хлебныя снеди, яко Адам и Ева в смерть впаде, и первии прародителии наши рукою Божиею сотвореннии, яко преступники заповедей Божиих, казнь прияша, от безсмертия в убожество смерти низвержени, како беззаконнии и неправеднии человецы, грешницы, вещей церкве православныя противу правды и Божия заповеди грабители, гнева Божия и казни Всемогущаго избыти могут. И не токмо единому Богу послушание в хранении заповедей Его творити должны есмы, но и настоятелем святыя его церкве послушание святое, еже больши есть, неже жертва, смиренным сердцем всем благоговением творити должны есмы. Да не с Кореем и Дафаном, Дафаном и Авироном вкупе со двема ста и с пятьюдесят их советники, иже ради гордости и непослушания, яко заповедей Божиих преступницы, на Аарона и Моисея, настоятелей церкве еврейския, ропчущих, нас земля поглотит живых и да не снидем во ад живи, якоже пишет в книзе Числ глава ꙁ҃ї. Такожде Мариам, сестра Ааронова, за непослушание и роптание на настоятели церкви и соборища еврейскаго проказою поражена бысть, яко глаголется в Числех к҃і глава. Такожде Надав и Авия братия, сынове Аароновы, согреявшеся вином и пиани вложше в кадила огнь, да принесут обоняние пред Господем, еже им не бе повелено, вземлюще себе без послушания и повеления настоятелей своих службу, чин настоятеля церковнаго, погибоша огнем божественным в пустыни, яко пишет в Левитех, глава і҃, и в Числе, глава а҃ї. Се коль тяжкою казнию погибоша обоняние принести хотящии Богу живому, возбранени быша, коликою же мукою иже принесенная и Богу данная отняти не боятся, мучими будут, безчисленныя же и иныя писание божественное воспоминает подобники, в них же непослушание многих злых беззаконных человек, сопротивных заповедем Божиим и настоятелем святыя церкве, тяжце казнь приемше, коль светле зрети можем. Сего ради заповеди Божия и настоятелей презрети нам не подобает никогда же, но им всегда и во всем смиренным и чистым послушанием повиноватися нам подобает. Аще кто сопротивно творит, согрешает смертне и преступник заповедей Божиих обрящется, и за сия муки зде и в будущем веце избыти не возможет. Сего ради вся, яже нам повелевают, яже глаголют, яже усты евангельскими проповедуют, с послушанием и благоговением творити должни есмы, по повелению Господню, якоже пишет Матфей во главе к҃г: яже глаголют творите, по делом же их не творите, и прочая. Тем же послушание едино есть и веры сподобление наследствует, без него же всяк верный и свят неверен осудится, елико верен и свят быти видится.

Послушание бо к живота вечнаго получению вельми есть плодоносно, им бо в настоящем сподобляемся благодати и в будущем славы и вечнаго спасения, без него же сподобимся в настоящем вечнаго отриновения, а в будущем огня вечнаго и безконечнаго. Сего ради всяк верный человек, какова чина ни буди, настоятелем своим в достойных и благоугодных скоро и со смирением покарятися должен есть. Елицы же непослушны церкви и настоятелем, анафеме предаются, яко написа им Моисей законодавец во Второзаконии глава ꙁ҃і, глаголя: аще тяжек и неудоборазумен у тебе суд быти узриши, востани и взыди к месту, еже изберет Господь Бог твой, и прииди к священником левитскаго рода и взыщи от них, яже явят ти суда истинну, и сотвори, яже рекут настоятели места, еже изберет Господь, и научат тя по закону его, и последуй суду их; ниже уклонишися на десно, ниже на шуе. Разгордевыйся же, не хотя повинутися священничества власти в то время служащему Господу Богу твоему по повелению судий, да умрет человек той, и отымаше лукавство от Израиля, и вси людие слышавше убоятся, да никто к тому кичением разгордится. Сия предреченная словеса златом и серебром ушесам и памяти нашей вписати нам подобает. Настоятель же святыя церкви сия подвластным своим по вся дни непрестанно на память возводити должен есть, да благая, яже Господь Моисею и послушание творящим обеща, воспрьяти возмогут и муки, и всех зол, яже не покоряющимся претяше, уклонитися возмогут. На уразумение сих ныне реченных внимай паче, в сих словеса Господня к Моисею в Левитех глава к҃г, в них же закопоположитель Моисей изсчитает безконечная благая, яже Бог обеща послушающим. И противу многия казни, ими же мучими будут не покоряющейся, глаголя: Аз есмь Господь Бог ваш, аще в повелениих моих пойдете и заповеди моя соблюдете и сотворите я, дам вам дождь во время его, и земля прозябнет плод свой, и древеса плода исполнятся, и снедите хлеб ваш в сытость, и без боязни поживете в земли вашей. Дам мир в концех ваших, уснете – и не будет устрашаяй вас. Отыму злые звери, и меч не прейдет предел ваших, поженете враги ваша, и падут пред вами, поженут пять от вас сто иноплеменник, и сто от вас поженут тьму, падут враги ваша мечом пред лицом вашим. Призрю на вы и возращу, и умножитеся, и укреплю завет мой с вами, и положу сень свидения моего посреди вас, и не отринет вы душа моя; пойду посреди вас и буду Бог ваш, вы же будете люди мои.

Аще ли не послушаете мене, ниже сотворите вся заповеди моя, но отринете законы моя, и судьбы моя презрите и не сотворите повеленных от мене и истощите завет мой, аз же се сотворю вам: посещу вы скоро скудостью, всуе посеете семена, яже от врагов сведена будут; положу лицо мое противно вам, и падете пред враги вашими, и покорени будете ненавидящим вас, побегнете никому гонящу. Аще ли ни тако послушаете мене, приложу наказания ваша седмерицею ради грехов ваших, и сокрушу гордость непокорения вашего. Дам вам небо свыше, яко железо и землю медяну. Потребится всуе труд ваш, не подаст земля плода, ниже древеса плод воздадут. Послю на вы звери сельные, иже потребят вас и скоты ваша, и запустеют путие ваши. Аще ли ни тако восхощете восприяти наказания, но пойдете сопротивно мне. Аз же на вас сопротивен пойду и поражу вы седмерицею ради непослушания вашего, и наведу на вы меч, мститель завета моего. Егда же прибегнете во грады, послю пагубу посреди вас, и предани будете в руце врагов, и две жены во единой пещи воспекут хлебы, и воздадут им в мерило; ядите и не насытитеся. Аще ли ни сими послушаете мене и ходите сопротивно мне, и аз пойду на вы в гневе сопротивне, и накажу вы седмию казньми, ради непокорения вашего, да сведите плоти сынов ваших и дщерей ваших, и возненавидит вас душа моя толико, да грады ваша обращу в запустение и пусты сотворю светилища ваша и не восприму к тому благоухания сладчайшаго, и погублю землю вашу, и удивятся врази ваши, егда населят ю. Вас же разсею в языки и обнажу на вы меч, и будет земля ваша пуста, и грады ваши разрушены, и прочая даже до конца тоя главы прочти. Се колика воздаяния благая обеща Бог послушающим и ходящим по воли и повелению его. И колико страшная злая и безчисленныя казни обещавает навести на непослушные заповедей его ради, еже отринувше судьбы его и законы его преступающе презирают и церкви невесте его непослушны суть. Сия суть велия и дивная дела Господня изыскана во всех волях его, ниже разнство есть, аще настоятель благ, благочинен и свят есть, или зол будет и строптив, понеже по учению соборныя епистолии первыя Петровы, повиноватися нам подобает со всею боязнию настоятелем церковным, не токмо благим и благонравным, но и строптивым. Аще кто наказан будет от настоятеля церкве и не послушает, да будет ти, яко язычник и грешник. Слово евангельское в Матфеи, глава н҃ї: тем бо дана есть всяка власть на небеси и на земли; вся, елика свяжут на земли, будут связана на небеси, и вся, елика разрешат на земли, будут разрешены и на небеси. Сея ради вязания и решения власти от Христа церкви и настоятелем преданная, вси царие, начальницы и прочии мирстии господа, вси Христу первее и церкви православной и настоятелем послушание святое с боязнию и честию изъявляти должни есмы. Не сотворивый же сего не верен и Богу сопротивен вменится. По словеси Павла, избраннаго учителя языков, к римляном глава г҃ї: всяка душа властем высшим да покаряется; несть бо власть, токмо от Бога. А яже суть, от Бога устроена суть; тем же противляяйся власти, Божию строению противится; противляющии же ся сами себе осуждение приобретают вечное. Аще ли речет кто, яко о мирской власти сия у апостола речена суть. И аще убо о мирской власти рек есть мне, якоже глаголет апостол Павел пространно в послании и главе предреченных. Ведомо же есть, яко многия суть заповеди и безчисленная повеления, в них же Богу и настоятелем церкве Божия подобает повиноватися, яже вся христианом православным во многих писаниих от Христа первое и от апостол его и от святых отец явно и откровенно предана суть. В сем же слове едину Божию заповедь от всех на среду привести потщимся, о нем же в настоящем в семь слове будет глагол, еже есть писанное во Исходе глава к҃, сицевыми словесы. Да не похощеши дому ближняго твоего, ниже возжелавши жены его, ни раба, ни рабыни, ни вола, ни осляте его, ни всего, яже его суть. В сей заповеди законоположитель Моисей заповедует всякое безчисленное желание и всяко действо грабительства и святотатства, елико к ближнему; и аще ближняго вещи и имения возжелети возбраняются, мнаго больши отняти не попустятся, меньши бо есть вожделети, нежели отняти. Ныне же, аще ближняго обида нам под казною вечнаго осуждения заповедана есть, много больши обида Божия и невесты его отняти благая церкве Божия, яже Богу освященна и дана суть; обиду творит первее Богу, второе настоятелю и сопротивен Евангелию обрящется, в нем же глаголет: воздадите кесарева кесареви, и Божия Богу, не рече: отымите у Бога, яже суть Божия. Аще убо еже меньши есть нам не леть без греха. Како леть будет еже тягчае есть грех, неже человеку сотворите преткновение. Аще же тягчае есть грех прогневати Бога, то и тягчае отмщение и мука мучаще за то должна есть. Отняти же благая церковная есть преткновение Богу и ему обида творити. Сего ради за то, аще не покается и аще не отдаст, снидет во огнь вечный, дóндеже воздаст последний кодрант. Сего ради блюдися всяка власть, всяк человек обоего пола, отымати у Бога, яже Божия суть, ради падения, еже пишется в Притчах в к҃ главе: падение бо человеку поглащати святых. Сего ради, аще внити хощеши в вечный живот и в славу царства небеснаго, храни заповеди, понеже вход в живот вечный есть сохранение заповедей Божиих. Аще ли хощеши вселитися во ад с диаволом и князьми его во огнь вечный, тогда леть ти есть благая Божия и церковная отымати. Яже православии начальницы щедре от благ, Богом им порученных, церкви со умилением за грехи своя подаша. Мнози бо римстии начальницы православныя веры хранители, яко Константин Великий, сын Еленин, такожде и российстии наши благочестивии начальницы, князь Владимир с женою и чада его, десятое во всяком стяжании дающе церквам Божиим и монастырем. Священную православную и соборную церковь (ею же глава Христос, искупитель наш) теплотою веры и чистым благоговейнством бодростию чествующе, многа благая временная подвижная и неподвижная и многи таланты злата и сребра подаша за душ своих спасение. Их же милостивному благоговейнству нашего времени начальницы в разных мира странах сопротивницы, не токмо своих не дающе, но та же от православных начальников церкве и Христу освященна суть отымати и к своим имениам прилагати дерзают, сокровища своя наполните поучающеся, но ему же таковая собирают неведуще, ниже от таковых благих возрадуется он, ни третьи наследницы. Коль тяжек, коль велик есть сий непослушания грех. Накажися на Анании и Сапфире жене его, в Деяниих глава е҃, иже смертную казнь прияша, понеже не вся принесоша, но себе часть соблюсти хотеша. Сего ради како мучим будет, и коея муки достоин есть, не бояся яже Божия суть отняти. Аще льстяй, смертью предварен бысть. Воспомяни, о душе, творяща святотатство и поучающаяся день и ночь церковная благая себе получити. Понеже умреши в сию нощь, и наг паки возвратишися в землю, от нея же наг взят еси. Воспомяни притчу евангельскую, Матвей глава е҃: егда дар твой и милостыню принесеши ко алтарю, не бы преткновение сотворил еси брату твоему, но Творцу и Спасу души твоея, и по совету евангельскому остави дар твой пред алтарем и иди первое смирися с братом, с настоятелем и Богом твоим, и отдай церковная и настоятеля ея, яже взял еси, и тогда пришед принеси дар твой, аще сего не сотвориши, предаст тя настоятель твой слузе адскому, и послет тя в темницу, откуду не изыдеши, дóндеже воздаси последней кодрант. Ни един бо грех вещи отнятия, по уставу святых отец, отпустится. Аще вещь святая не отдана будет, и аще грех тебе не отпустится, его же сотвориши (отняв грабительством) к брату твоему, аще вещи не отдаси, зде и в будущем, аще не отдаси, яже Божия и церковная и настоятельская отнял еси. Прочти к сему образ в третьей книзе Царств, глава к҃а. Езавель жена Ахава царя, яже взят виноград, напитав Науфеа, соседа своего и подвластника, не токмо просто отняти хоте, но лучши дати или злата или сребра цену колику достоин бе обеща, но понеже не хотящу продати и винограда с ступитися, бысть обида. Поразил Господь Бог от Ахава весь мужеск пол, и пси снедоша Езавель жену его на поли израильсте. Той виноград не бе церковный, ниже духовной вещи приложенной, ниже Богу и церкви Его освящён, но бе мирскаго человека не хотящи продати его, и за еже не праведно, сопротивно воли наследника взят бысть, казнию смерти, даже до последняго рода Ахава царя мучими быша. Како же мучим будет и коея муки достоин есть той, иже церковь насильствовати и имение ея отымати не страмится. И аще толь тяжце казнь приемлет обида человеча, како мучим будет Богу согрешивый. Ниже един Ахав казнь прият, ниже едина Езавель, но весь мужеск пол рода Ахавля погублен бысть. Являя Господь, еже не токмо отъемый имения церковная и настоятельская смерти достоин будет, но и советуяй отъемлющему. Отымаяй имения церковная и приобретая себе и сокровищу своему духовная, Богу освященная, и советуяй с таковым о сих словом и советом, равну казнь приимут, понеже творяй и советуяй вменяются за едино. Сего ради весь Ахавль род вкупе с ним погибе. Егда к церкви, к ней же поставляются малоугодны разумом и нравом или люты, того ради тяжкая (яко же учит ны искусство) многажды страждут в духовных и временных освященных убавления великая и тяжкая от начальников и царей и иных мирских властелей. Сего ради по учению Павла апостола в первом посланы к Тимофею, глава г҃, и к Титу, глава а҃: Подобает епископу быти без порока, праведну и Божией церкви приставнику, не горду, не гневливу, не пианице, не бийце, не мшелоимце, не сварливу, не сребролюбцу, о доме своем добре прилежащу. Аще ли кто дома своего строитель быти недоумеет, како церкви Божия с попечением прилежство будет имети. Подобает сего ради епископу добру быти, страннолюбцу, боголюбцу, трезву, праведну, святу, воздержну, чинну, разумну, не сварливу, чисту, кротку, милостиву, покойну, мудру, учену, да может осязать слово верно, еже по учению есть. И да возможет наказати в здравом учении вся противляющияся церкви и себе. И хотящие церковная имения отымати и сопротивляющееся себе обличати словом и делом и всяким прилежанием любовию веры противлятися. Епископом же, архимандритом и игуменом и прочим духовным православный церкве правителем правд, доходов, вещей, имений подвижных и неподвижных церкве своея до живота или в веки продати пли в дар отдати или иным попустити отняти не подобает. Но яко за своя, тако и за церковная имения с попечением и прилежством должен быти страж. Да никто же под правительством его церковь оставит или убавление постраждет в вещех своих и Богу освященных. В сих вельми попечение имети должен есть пастырь церковный о имении церкве своея, да не впадет в проклятие, им же пророк Иеремиа претит пастырем нерадивым глава м҃и, глаголя: проклят человек творяй дело Божие нерадением.

Первое убо брещи подобает пастырю, дабы его безразсудным правительством и безчинным приставничеством церковь его во благих сокровища и имениих неподобне не отягчена была. Второе, да прилежно и со блюдением внимает, и с попечением управляет, да иным неправедно отняти хотящим отняти стяжания церковная не поволит, но верне, крепце и сильне словом, советом и делом да противится, глаголя и обличая и церковь ему порученную со стяжанием дерзновенно да защищает Аще сего не сотворит, согласен отъемлющему явится, и тоя же казни достоин, коея отъемляй. Понеже творящий и согласник его толико божественными елико градскими правдами казнь приемлют; и вся люди, без на лица зрения, святотатство творящие или творити хотяще, должен есть епископ, яко верен пастырь, здравым учением своим наказати, и учению его здравому противящихся постоянно обличати и верне отечески наказати, да душ своих за таков грех диаволом и слугам их не предадут. Аще ли наказание презрят и епископскому учению повиноватися не восхотят, анафеме предаются, и от церкве, како гнило древо и неключимо, отриновени бывают и держими бывают посреди православных христиан, яко невернии и яко язычницы. Не подобает же епископом и сей вещи боятися царей или начальников, понеже по апостольскому учению паче подобает повиноватися Богу, неже человеком. Мирстии бо властели человецы суть, тело отняти могут, души же ни. Сего ради всемогущаго Творца, сотворившаго тело и душу и могущаго власть тело вкупе с душою послати в геенну, паче всех боятися подобает. И церковь его, всю морскую боязнь отложше, блюсти, добре правити, и вещей ея отымати не попущати. Зде же внимати и разумети подобает посреди прочих: понеже слово творим о святотатстве, что есть святотатство? По учителем убо святым насильствовати или отняти вещи церковныя, и насильствуяй и отымаяй стяжания церковная наречется святотатец. Бывает же святотатство треми обычаи: первое, отъемлюще священное от священнаго; второе, отъемлюще несвященное от священнаго; третие, отъемлюще священное от несвященнаго.

Отъемляй бо вещь священную, Богу данную, сильно и противу заповеди от места священнаго, сиречь от церкве, или от инаго места, Богу освященнаго, святотатство творит.

Такожде, отъемляй вещь несвященную, сиречь злато или сребро, или церковное сокровище, сильно противу заповеди от места священнаго, сиречь от церкве, или от инаго места, Богу освященнаго, святотатства творит. И такожде отъемляй вещь священную, Богу данную, сильно и противу заповеди от места несвященнаго, святотатство творит. И иже настоятеля и пастыря своего епископа обличающи от сих презрит и ни во что же творит, и обличающаго вредит или словом или действом и послушати не восхощет, ниже повиноватися и к святых отец уставы во ничто сотворить, и насильством (лукавым духом в водим советующу диаволу), яже Божия и церкве его суть отъемлет и отымати не боится, сугубо святотатство творит. Первое, еже святых отец уставов не приемлет и сопротивление епископлю здравому и святому наказанию творит, яже суть от святыя соборныя церкве заповеданно. Второе, еже вещь, живому Богу освященную и данную, насильством взял и сокровищу своему совокупи. Сей грех святотатства, понеже тяжек есть, каноны святые и священный правила тяжце казнят. Казнь же святотатства по правилом, некогда сребреная, некогда отлучение анафема и явная епитимиа и на конец живота не дастся ему церковное погребение, аще не покается сердцем сокрушенным, и полно все церковное взятое настоятелю своему епископу цело не отдаст собою или законными своими наследники, или своими приказники, понеже грех сий ни зде ни в будущем не вставится, аще вещь Божия взятая не отдана будет церкви. Веи человецы жизни сея обоего пола всякаго достоинства да внемлют сие великое укрепление и свободство церкви: епископом и пастырем церкве Христовы, наместником вещи ея предано быти, которое аще кто насильствовати покусится, тяжце мучим будет душею и телом праведным Божиим судом. В той день боязненно есть, егда небеса подвигнутся и земля. Сие же укрепление и свободство от Бога, церкви его преданное, образовано бе в ветхом завете шестию грады левитскими на помощь беглецем отделенными, да прибегнет в них пролияй кровь, яко пишется в Числех глава л҃е, яко от тех градов священнических ветхаго завета, им преданных, не бе леть убийцу извлещи и погубили им к ним прибегшего. Тако в новом законе не попускается из дома и града Божия, сиречь от церкве, или от инаго места Богу даннаго стяжания отымати епископом и пастырем противящимся, епископ же, иже насильником вещей церковных постоянно противится, добрый пастырь есть, не бойся душу свою положили за овцы своя. Аще ли убоится противлятися или не радит противу глаголати или не восхощет стяжаний церковных, себе порученных, защищати, яко подобает и достоит по делу на него наложенному, тогда несть пастырь, но наемник, видяй волка грядуща бежит, и овце-хищником оставляет волком, вещи вкупе и овцы опустошая. И не токмо сие предреченное укрепление и свободство Божия церковь и дом его имеет, да никому прибегшему к ней неправда будет и никто стяжаний церковных отымет. Но и в семь церковь и дом Божий свободство имеет, да никто к ней не достоин и недостойна да приступит без смертныя казни.

Якоже образовано в Числех в а҃ и г҃ и д҃ и н҃ї главах, идеже пишутся словеса последующая: Моисей и Аарон и сынове их, имуще службу святилища посреде сынов израилевых. Аще кто чуждь приступит, да умрет. Се аще смертный грех есть недостойне приступити к местам святым, како мучим будет, иже не токмо недостойне приступить, но возбранен от настоятеля своего и отъемлет Божия, а не своя. По мере убо греха будет и казнь. Тяжкое бо согрешение и больной грех взыскует большаго отмщения, понеже греху сугубу не довлеет отмщение единственное. Такожде по власти и достоинству согрешившаго грех вменяется тягчае.

Больши бо согрешает царь отъемляй стяжания церковная, неже начальник. И больши согрешает начальник, неже князь. И князь согрешает больши, неже комит, и комит больши согрешает, неже воин, и воин согрешает больши, неже прост доброродный, и прост доброродный больши согрешает, неже простой человек. И господин тягчае согрешает, неже раб, достоинство бо согрешающаго отягчает грех, толико бо тягчае есть грех, елико согрешаяй больши есть. В ветхом убо законе под казнью смертною никтоже елико свят, елико праведен, благочестен и благочинен смеяше к месту, в нем же слава Божия бе, приступити, якоже пишется во Исходе, глава г҃, и во Иисусе Навине, глава е҃, сицевыми словесы: Изуй сапог твой от ног твоих, место бо, на нем же стоиши, свято есть. И во Исходе ѳ҃ї глава: Блюдите, да не взыдете на гору, ниже прикоснетеся концем ея, всяк прикоснувыйся горе смертию да умрет. Мы же христиане, грецы, русь, в них же века скончание прииде, иже под временем благодати рождени есмы и благодатию духовною прерождени, да правда наша преизобилует паче правды фарисейския и книжник, не едина, еже не боимся во гресех в церковь Божию внити и к Святая Святых приступити. Но яже церковная и Божья суть, отнята не страшимся или татьбою, или хищением, или насильством противу настоятельская заповеди. В сем неправда наша преизобилует и превосходит всяку неправду книжник и Фарисей, саддукей и язычников, иже грабительства Богом своим не творят, богов своих чествуют, приносимая приносят, отъемлющим казни грозны наносят. Мы же христиане в таковых Бога и святых Его много безчествуем. Горе нам, тяжек бо грех творит противу Бога, иже нечист совестью к церкви Божией приступает! Тягчае же согрешает, иже нечист вкупе и святотатец приступает, да возмет от церкве, яже Богу освященна суть. И яко в предреченных светлее есть, явленно же недостояше, ниже попускашеся в ветхом законе прибегшаго к церкве человека согрешения ради какова от церкве взяти. Мнаго паче ныне недостоит, но крепце под великою и тяжкою казнью заповедано, стяжанья, яже Богу и церкви сдаванная суть отняти. И аще человек осужден будет смерти вечной, да еже не сотвори милости ни от своего именья, праведно собраннаго, убогому и нищему, крепчае и много паче осужден будет во огнь вечный, аще кто возьмет чужая и наипаче церковная благая. Речется бо им праведным судиею во он великий день суда милости не сотворшим от своих стяжаний: Отыдите, проклятии, во огнь вечный, вам и диаволу уготованный от века: взалках бо, и не дасте ми ясти, вжадахся, и не напоисте мене, наг бех, и не одеясте мене. И тако и прочих делех милосердия, яже довольно и полно исчитает евангельская повесть, яко всем верным, чтущим ю, света светлее есть. Аще тем толь жесток ответ дастся, и толь горька вечная мука, иже от своих благ праведне собранных милостыни нищим не даша, каков, мниши, дастся ответ чужая отъемлющим, татьбу творящим, Божия и церковная вземлющим без страха и чествования противу всякая правды божественный и человеческая. Аще убо заповедано божественным законом, яко выше речено есть: отымати, яже человеча суть, больши заповедано, разумеется, яже Божия и церковная суть отымати. Тягчае бо грех есть сотворити неправду господину, неже рабу, тяжчае согрешение противу царя, неже противу подвластника, тягчае противу Бога, неже противу человека единаго рода грехом. Аще убо человек согреши к человеку, очистити его может Бог, аще к Богу согрешит человек, кто помолится о нем. Якоже пишет в первой книзе Царств, глава в҃. Сие слово вельми внимати и ушесам предати должни суть не срамляюшдися на церковная благая наступати и неподобне без настоятельскаго освобождения и попущения отымати. Аще бо святотатство есть богов языческих и кумиров их принесенная благая отняти, больши святотатство вменится отняти благая, живому Богу принесенная; кумиры языческия златые и сребряные имеют укрепление, да никто без казни им принесенных отняти может. Много паче церковь истиннаго Бога сие укрепление имети достоит, да никто без смертный казни церкве безсмертнаго Бога благая отняти возможет или дерзнет сопротивно творя, тяжкия муки временныя и вечныя достоин будет. Толь великое церковное укрепление от святых отец и мира царей Духом Святым дано. Да ты же единою данное или принесенное что ни буди или злато, или сребро, иди село, или град, или животно, настоятель церковный сих собою или иным от церкве отлучити не может, ниже ин кто отняти может, ниже к тому в неосвященную потребу, сиречь в мирскую, отъити может. Якоже пишется в Левитех, на конце глава г҃, сицевыми словесы: вся яже Богу освященная, или человек, или животно, или село да не отыдет, ниже искупитися возможет. Елико единою будет освященно, свято святых будет Господеви. От сих словес светло является еже всяка вещь, какова будет, аще Богу принесена будет единою, еже паки к человеком отыти не возможет, ниже куплею, ниже искуплением цены, ниже иным каковым обычаем.

Сего ради от сильнаго ниже грабительством и неправедным навычаем той закон никто от царей, ниже начальников, ни иных господ мирских порушити возможет. Понеже закон Бога живаго и безсмертнаго есть, вышняго бо закон от нижняго взятися не может. Ниже поволити может настоятель епископ противу того закона. Понеже ниже господин может поволити противу закона вышняго, когда зане не может быти ученик больши учителя, ниже раб больши господина своего. Сего ради не порушен той закон будет вовеки. Яко выше речено в Левитех писанное на конце книги: Еже единою Богу освященно и дарованно есть, всегда пребудет свято святых Господу Богу нашему. Зде же внимати треба есть: Мнози бо царие и начальницы и мира властели в первоначальной церкви, сребролюбством водими, хотяще отняти злато, сребро и прочая стяжания святым и церкви Божией принесенная, разрушиша Божия законы и святых образы, заповедаша честь и поклонение творити не иныя ради вины, токмо да под тем покровом и под тем подписашем власть, яже церковная бе, отнята, и к своим богатством и сокровищу приложити свободство без вины да имеют. Яко Иулиан кесарь отступник сотвори, иже желание святотатства евангельским свидетельством покрываше, егда имения и стяжания отымаше у христиан и церкви Божией глаголя: Христос ваш во евангелии глаголет: Аще кто не отречется всех, яже имать, не может быти ученик; и паки: Аще кто не оставит отца и матерь, жену, дом, села и вся, яже имать, несть мене достоин. И паки: Не пецытеся, глаголюще, что ямы или пием, или во что облечемся, сих всех язы́цы ищут, весть бо Отец ваш, яко сих всех требуете; не пецытеся о утрии. И паки: Не собирайте себе сокровище на земли, идеже тля тлит и червю поядают и татие подкапывают и крадут: собирайте себе сокровища на небеси, идеже ни тля тлит, ни червие поядают и идеже татие не подкапывают, ни крадут. И паки: Чадца, коль не удобно есть уповающим на сребро в царство Божие внити; уне есть велбуду сквозь уши иголны пройти, неже богатому внити в царство Божие. И паки: Птицы небесныя гнезда имут, Сын же Человеческий не имать где главу подклонити. Сими и многими иными евангельскими свидетельствы увещеваше. Той же Иулиан предреченный, настоятелем христианским и церкви Божией ни что достойне имети утверждаше, и вся их и церкви Божии под таковым покровом отымаше, и к своему стяжанию приписываше. И паки глаголя: Блажени нищии духом, яко тех есть царство небесное. И паки: Не последуйте злата ни сребра, ни медниц при поясех ваших, ни пиры на пути, ниже дву риз, ниже сандалю, ни жезла, и многим иным евангельским писанием той Иулиан отступник покрываше сребролюбие свои, да настоятелей, епископов и церкви Божией стяжания и иная благая стяжати возможет. Ради сих и иных прежде писанных, вы епископи и пастыри церкве православныя, будете брежно уразумевая и мудри, яко змия, и прости, яко голуби, да здравым учением таковым отвещати можете. Воспомяните, понеже посла вы Христос Господь ваш учитель, яко овцы посреде волков. Не убойтеся, аще предадят вы на сонмища и игемоны, и пред цари ради грабления церкви, стяжаний вам порученных и освященных. Помяните убо, яже написано суть, Лука к҃ї глава, сице: Глаголю же вам, другом моим: не убойтеся от убивающих плоть и по сих ни что же могущих сотворили. Бойтеся же, по убиении плоти, имущаго власть послати душу в геенну, сего бойтеся. Егда же ведут вы на сонмища пред цари и игемоны и вельможи и властели, ради стяжания церкве вашея, не пецитеся, како или что за преткновение речете, Дух бо Святый Отца вашего, глаголяй в вас, научит вы в той час, что подобает вам глаголати. Такожде помяните слово Христово, еже написа вам Иоанн, глава е҃ї: несть раб больши господина своего. Аще мене поженоша, и вас поженут, аще слово мое соблюдоша, и ваше слово соблюдут, и сия сотворять вам ради имени моего, понеже не ведят пославшаго мя. Аще не бых аз пришел и глаголал им, греха не быша имели. Ныне же обиновения не имут о гресе своем. Сих ради предреченных словес евангельских, епископи и пастыри церковнии попечение имети должни суть, учени и разумни, да словом и делом, советом и здравым учением, стяжания церкве своея защищати возмогут, по утверждением святых отец на сия написанным и дарованным, пастыри церковные могут церквей своих стяжания, села и иная благая защищати и на защищение их соблюдением прилежно труждатися, да от иных наступания, ни отымания и отлучения восприимут. Ниже от себе достоит епископом сродником своим духовным людем или мирским вещей и стяжаний церковных, им порученных, дати, даяй бо благая церковная мирским человеком и отъемлющим не противляяся, яко святотатец посреди прочих еретиков вменится. Такожде никто от кесарей, или царей, или начальников, или ин кто господин и мирский человек может епископов, пастырей и настоятелей церковных и клириков им порученных судити, бити и обиду словом или делом нанести без казни и анафемы, ниже о церковных вещех улагати или устрояти, ниже вступатися свободство имеет. Аще ли сопротивно сотворит тем действом, правилы божественными отлучен от общества христианскаго, разумеется, треба есть ведати, еже богатство церковное стяжание есть нищих и искупление плененных. Такожде грабителей вещей епископских и пастырских достоит отлучати, яко и церковных грабителей, понеже пастырь жених своея церкве наричется быти.

Сего ради ни епископ в вещах церковных может сотворити при смерти приказания, еже кому что дати, понеже вся его вещи стяжания суть церковная и про будущаго настоятеля сохранным быти подобает. Грабители таковых вещей или наступники анафему проклятие преобретают, ниже услышатися достоит от лжехристиан, иже с Иулианом отступником от евангельскаго писания явити тщатся, яко Христос ничто же свои имеяше и ни единаго богатства собираше. Тако и церкви Христовой ни единаго наследства или стяжания достоит имети. Собирает же ся от евангелиа Иоаннова, глава к҃ї, еже Христос имеяше ковчежец и пенязи, егда глаголется: рече же един от ученик его, Иуда Симонов Искариотский, иже и хотяше его предати, чесо ради миро се не продано бысть на трех стех пенязь и дано нищим. Рече же сей, не яко о нищих печашеся, но понеже тать бе и ковчежец имый и вметаемая ношаше. И Иоанн г҃ї, глагола ему Иисус: еже твориши, сотвори скоро. Сего никто же разуме от возлежащих, к чесому рече ему. Нецыи же мняху, понеже ковчежец имеяше Иуда, яко глагола ему Иисус: купи, еже требуем на праздник, или нищим нечто да даст. От предреченных евангельских словес явно разумеется, яко Христос и ученики Его ковчежец имеша на истребу свою и на потребу нищим, и той преда, яко приставнику своему, да купит, яже суть на потребу и нищим да даст. И посему еже Христос, глава церкви, ковчежец име, знаменоваше церкви своей в будущее и ныне ковчежец и стяжания, и сокровища имети. Константин Великий, сын Еленин, царь вселенныя земль, даде церкви святей римстей многая благая подвижная и неподвижная: царства, страны, земли, грады, злато, сребро, яко является в писании за златою печатью на сия учиненом, в нем же близ конца сице пишется: да не оскудеет превысота архиерейская нищетою, но да украшена будет славою и достоинством римстей церкви.

Толико дом наш, елико римский град и вси италийския и вси западныя страны, места, грады, островы, яже окрест Италии суть, отцу нашему Сильвестру и всем по нем будущим под правою римская церкве любовью даем и даруем о Христе человеческаго рода искупителе. Мы же наше царство пренесем на восток в Византию град и прочая, яко являет в писании за златою печатью наше дарование написанном: Яже зде продолжно есть вся слово вписати. Сие дарование, бывшее Константином, царем римстей церкве, Лодовик первый, царь римский, и Карул великий царь, и Отто первый, и Индрик, первии римскии цари, покрепиша. И мнози инии священнаго царства начальницы и цари, их же продолжно есть зде особне по имянем вписати, яко римскаго царства царие, римстей церкви безчисленная благая подвижная и неподвижная назнаменоваша и даша; тако и мнози инии начальницы и князи иных стран и царств, разных стран мира и царств во многих мира странах своим епископом, пастырем церкве Божия, села, стяжания за души своя и сродников своих спасение подаваша и даже до днесь по духовным дают. Яко и зде видим в достойном русском отечестве и иных странах мира, идеже церковь Христова основана есть. И не токмо предреченныя начальницы просто церкви Христове стяжания подаваша, но от власти кесарския грамотами и писании и златыми печатми устроивше укрепиша. Да ни един епископ, пастырь или священник с села или с состояний церковных дань давати должен будет. Но свободна вся стяжания имети будут, ниже властелем дань давати, но властели епископом, яко пастырем давати должни будут. Такожде устроиша и под казнию уставиша, дабы мирстии человецы о вещех церковных не улагали, ниже в таковая вступалися, ниже им таковыя вещи приказуемы управляти противу воли пастырския дерзают. Ниже мирский человек в делех церковных и клирических судити или искати будет, ниже на свидетельство пи взыскание на суде попущену достоит быти противу клирика, или в делех клирических и церковных. Сего ради аще таковая предреченная суть мирским человеком возбранена, много паче и крепчав разумеется, да не церковная и клирическая данная возмогут отымати. И на большее уразумение предреченных, такожде последующих треба есть внимати словеса евангельская, яже пишутся, Лука к҃в, сице: егда послах вы без меха и пиры и сапог, еда что лишена бысте? Они же реша: ничесоже. Рече же им Иисус: но ныне, иже имать мех, да возмет такожде и пиру. А иже не имать, да продаст ризу свою и купит меч. Они же реша: Господи, се меча зде два. В сих евангельских словесех не будем сопротивления помышляти словес, но не разумному стоянию времени и по священному таинству о Христове церкви разумели. Понеже рече Христос сия предреченная словеса учеником своим, да назнаменует и явит церковь свою в будущая времена при святых пастырех и отцех в временная и духовная наследствовати стяжаша и двема мечи стяжания защищали. Зде же разумели треба есть, еже меч есть сугуб. Един меч есть вещественный, его же имеяше Петр апостол, егда отреза ухо Малху в вертограде, яко чтется во евангелии в Христове страдании. Той меч достоит пастырем церковным имети защищение церкве своея, даже и до своего кровопролития, аще токмо духовным мечом ничто же поспешествует. Вторый меч есть духовный, его же Господь даде Петру и будущим по нем, глаголя: аще ни тако послушает тя, да будет ти, яко язычник и грешник, ими же словесы со властию вязати и решати даде Господь учеником своим отлучения и анафеме предания. И сию власть мы наричем мечом духовным в писаниих святых; сим мечом церкви защищатися и оборонятся достоит первое. Аще ли по третием наказании непослушники не сотворят повиновения и сопротивны пребудут не хотяще наказатися, ни вый своих гордых пастырем подклонити и Христу повинутися, тогда помощию плечей мирских действовати могут мечом вещественным на отвращение силы сопротивных. Уже довольно и пространно в предреченных явно есть, еже царем, начальником и мира сего властелем стяжаний церковных и пастырских насильствовати, отнимати или похищати, по уставу Святых Отец и блаженных царей, не достоит. И како пастырем, сопротивная творящим, сопротивляйся словом и делом и мечом толико духовным, елико вещественным, Ныне же правым чином внизу писанных явити хотим подобники про все кесари, цари и начальники толико в ветхом, елико в новом законе, како и коею мукою праведне мучими суть. Иже противу Божия заповеди и Святых Отец уставов и блаженных царей законов церковная стяжания, села и наследствия отнята дерзнуша и действом взяша и к стяжанииям и сокровищам своим приложиша. И первое взыде на память писанное в Данииле глава д҃ и е҃, еже Навуходоносор царь вавилонский, отнят и отнесе сосуды златы и сребреныя от церкве, яже бе во Иерусалиме. И за сие содеянное той царства своего лишен бысть и от человек разделен бысть и со скоты и зверьми жилище его бысть и траву, яко телец, ядаше.

Такожде Навуходоносоров сын Валтасар (Витасар) царь, егда пир творяше вельможам своим, тысяще мужем, тогда повеле принести сосуды златые и сребреные, иже изнесе отец его Навуходоносор от храма Господня, иже во Иерусалиме, пияше же и ядаше из них сам и сущии с ним. В той час явися рука человеча по запясты и писаше персты на празе стены палаты царевы. Царь же видением тем измени лице свои, и разслабе чреслы и коленом, и призва Даниила пророка и попроси его (и се, понеже не разумеша сего лживии пророцы и волхвы). Даниил же возре на писание и разумев, рече сице: мани, текел, фарес, еже есть се: измери Бог царство твое и скончаше его, и отымется царство твое от тебе и отдастся мидом и персом, понеже дерзнул еси священные сосуды храма Господня осквернити. Пророк Дашил, глава г҃.

Такожде Антиох царь, наследник Александра Великаго, вниде с гордостью во Святая Святых и взя престол златый и вся сосуды его, злато, сребро и вся сокровища церкве Божия и отыде в землю свою. Сего ради приобрете себе скорбь, тугу и смерть в земли чуждей в нищете велице, яко пишется в Маккавейской первой книзе, глава г҃.

В ветхом завете цари и мирстии господа ни единыя власти в священницехь и стяжаниях церковных имеша.

Сего ради Ровоам погуби царство свои, понеже священников совета не послуша.

И царь Иозия проказою поражея бысть, зане чин священнич себе похити.

Такожде Иоас, царь израилев, приведе пленена Амаза, царя иудова, и взят все злато и сребро и вся сосуды, яже обретошася в дому Господни, и возвратися в Самарию, и за сие содеянное сократишася дние его и погребен бысть со отцы своими, яко пишется в четвертой книзе Царств, глава д҃ї.

Такожде согреши Езекиа, царь Иудов, егда введе послов вавилонских в хранилище ароматное и сокровища дома Господня. Сего ради прогневася нань Господь, и рече ему Исаием пророком: сия глаголет Господь: дние приидут и отымутся вся сия в Вавилон. Аще тако наказан бысть, иже токмо сокровище Господне и церковное иноплеменником гордостью показа. Како мучен будет, иже не боится отняти е, противу Божия и пастыря своего заповеди. От предреченных словес разумеется, еже церкви и пастырем ея достоит имети сокровище. Понеже и соборище церкве иудейския сокровище име, его же Езекия царь предреченный послам царя вавилонскаго показа.

Такожде Гай, римский кесарь, мысль на похищение обрати, ни единаго человека оставляя, человеческая и божественная себе приобретя. Сего ради праведным судом Божиим убиен бысть с женою и чады и вси останцы рода его погибоша. В его же смерти время идол в Риме просмеяся, яко есть писано.

Такожде Нерон, римский кесарь, по мнозе мучительстве и по велицем христианском гонении и граблении стяжаний церкве Божия, яко явный враг от старейшинства римскаго осужден бысть праведным судом Божиим: избежа убог и странен от града Рима и сам себе в отчаянии погуби.

Такожде Галла, римский кесарь, сребролюбством водим наступаше толико на своих подвластников, елико на христианския стяжания противу всякия неправды. Сего ради попущением Божественным сам ся уби.

Такожде Вителлий, римский кесарь, всякаго сребролюбия исполнен, стяжания церковная похищаше, на торжищи явно пред народом убиен бысть и в Тивр реку, яко враг церковный, ввержен бысть.

Такожде Домисиан, по многих злодействех своих подвластником и христианом нанесенных, всем человеком ненавистен бысть, поражен бысть Божиим судом, лета жития своего л҃е-го, яко живота не достоин.

Такожде Мариан, римский кесарь, не бояся христиан вредити и их имения сокровищу своему прилагати, истечением чрева дивственно, яко кесарства недостоин, погибе.

Такожде Коммод, римский кесарь, враг и ненавистник рода христианскаго и церкве Божия, в лето века своего л҃г-го, заклан бысть устроением жены своей.

Такожде Марко Аврелий, кесарь римский, ни единому память благу остави, церкви Божией завидя и стяжания собирая и сокровищу своему прилагая. Сего ради в лето века своего к҃а-е смертию от воинов своих убиен бысть, вкупе живота и кесарства лишен и тело его с велиею срамотою влекомо бысть по стогнам града Рима.

Такожде Александр, кесарь римский, в Магунгии германстей в соборищах воинов своих ради сребролюбия своего и стяжании церковных взятых погибе.

Такожде, яко пишется, Юлий, римский кесарь, Максимин прозвищем, во граде Аквилегии попущением Божественным убиен бысть. гонению и животу вкупе конец сотвори.

Такожде Декий, кесарь римский, по убиении Сикстора, папы мученика, взыска сокровища церковнаго от блаженнаго Лаврентия диакона Валерианом приказником своим, Лаврентий же прежде разда нищим. Коея ради вины разгневася Декий повеле блаженнаго Лаврентия на редке печи. По страдании же святаго Лаврентия кесарь Декий и Валериан приказник его демоном мучими, в третий день по страдании святаго Лавренпя испусти горце дух во огнь вечный в велице пагубе и скорби и в веки тамо пребудет.

Такожде Галл, римский кесарь, ради подобных прочим действ противу церкве Божия и пастырей объядением чрева умре. А сын его, законный наследник кесарь, убиен бысть.

И Галиен, римский кесарь, ради наступления на церковная стяжания от своих воин мечем пронзен бысть в лето века сего пятьдесятое, егда в Медиолан внити хотяше.

Такожде Уалериан кесарь, сребролюбия его ради, еже ко христианом и церкви Божией, божественною молниею устрашен и близь Константина града от воинов своих убиен бысть.

И Пров кесарь таковыя же ради вины от соборища воин своих убиен бысть.

И Фарус кесарь молниею божественною и блистанием небесным ради многаго зла, еже сотвори церкви Божией, погибе.

О Диоклетиане кесаре пишется, еже на всем востоце и западе разори церкви Божия и имения их сокровищу своему приложи; сего ради Божественным судом по бесновании немилосердия своего зле задушен бысть.

Такожде Максимиан кесарь тоя же ради вины зле скончася, исполнен всякия телесныя болезни и нецелоумия. О Иулиане кесаре отступнице пишется, еже егда бе ратуя на персы по мнозе зле сотворшем на церкви Божия, стяжания их к своим прилагая, явися некто воин не знаем (иже бе, яко глаголется, святый Меркурий, повелением Пречистыя Девы Марии послан той же воин) вооружен и с копием пришед, пореза конь свой острогами, копие крепце направляя, дерзновенно Иулиана порази и посреди поверже и внезапу отшед, яко никогда явися. И сице Иулиан зле сконча живот свой. Понеже церковная стяжания у пастырей множицею отнят.

Такожде Валенс кесарь церкви Божией вельми тяжек бе, устави закон, да мниси и пастырие церковной воинствовати должни будут. И с церковных стяжаний двору его и воинству его да служат, на ополчение воинство да собирают. Противляющися же зле повеле убивати. Коея ради вины той Валенс Божиим судом по убиении войска своего от готв в дом некий пуст, да не убиен будет, прибежа, идеже грехов своих ради и с домом сожжен бысть, гнева Божия не избежа.

Зено кесарь, сребролюбственнаго раскола помощник, скотское на церковные пастыри и мужи правоверные и ла церкви Божия нося в мысли своей мучительство, стяжания церковная сокровищу своему прилагая. Сего ради такожде в лето кесарства своею ꙁ҃ї зле умре.

Анастасий кесарь, поборая по еретицех церковь Божию с пастырми ея гоняше, стяжания их отъемляй и к сокровищу своему прилагая, приписываше. Сего ради праведным судом Божиим от молнии погибе.

Маврикий кесарь ради грехов своих, яже сотвори Христове церкви, попущением Божиим от Фоки обезглавлена бысть, и жена и чада его от Фоки же со всеми останки рода погублени быша, вкупе кесарства, жены и чад наследников лишен бысть.

И той Фока кесарь, такожде мучитель и враг церковный и пастырский, повелением Ираклиа погублен бысть попущением Божиим. Ираклий кесарь, того же сребролюбца и порока ради ереси монохелитския, водяными недугом Божиим попущением одержима бысть, без уврачевания зле умре. Такожде Константин четвертый правоверных мужей жизнь и церковь гоняше, стяжания и вещи отъемля. Сего ради от воинов своих зле убиен бысть Божиим попущением праведными.

Иустиниан вторый кесарь, сын Константина четвертаго, Сергиа папу римскаго из града Рима изгна, сокровище церковное к своему прилагая. Сего ради Божиим судом от Льва кесаря четвертаго, кесарства, носа и языка вкупе лишен бысть и в заточение послан.

Того же Льва Филипп кесарь в Константине граде уби, за еже шестаго собора отвержеся и не погребен бысть быти нарече. Филипп же кесарь такожде противу пастырей церкве Божия ратуя и шестый собор отрицаше, Божиим судом очей лишен бысть от Анастаса кесаря, последователя своего.

Такожде Константин шестый, сын Льва кесаря, кесарства отча и немилосердия наследники и уставов Святых Отец гонитель, церковный разоритель, Богу и всем человеком ненавистлив, казнью злою зажжением божественным поражен и зле ради трех своих умре, во огнь вечный мучитися послан. Уже довольно и преизлишно от начала. словесе сего многими подобники немилосердая действа и злыя казни, яже прияша, многих кесарей явих. Како Божиим праведным и неиспытанным судом казнь приемлет человек той, иже разгордится и не хощет пастырской и епископа своего власти и заповедем повиновения имети, но но воли своей беззаконно жити, и яже суть Божия к сокровищу своему приписывати и прилагати. Сего ради всяк мирский начальник и властель должен есть боятися Господа Бога своего и хранити закон Божий и ходити и творити по всем, яже в законе писана и поведена суть. И да не превознесется сердце его в гордости на настоятели церковные, ниже да уклонится на десно, или на шуе от заповедей пастыря своего. Да на многа время и на многия возможет царствовати лета, он и наследницы его в покойне мире и всех благ довольстве от рода в род на кесарстве и царстве своим. Зде же внимати вельми треба есть, еже вси цари Иудейстии беша идолопоклонницы и святотатства грешницы, опричь трех, си есть: Давида, Езекии, Иозии. Тем же праведным судом Божиим оскуде царство иудейское, царских ради и всех людей грехов. Такожде мнози от Константина града царей ходиша в сребролюбии благая церковная отъемлюще, сего ради яко царство иудейское и с царьми своими вкупе погибе и достойно. Понеже царство вкупе и власть на пастыри церковные, яко на своя воины имети дерзнуша. Мирстии бо властели ни единаго повелительства и власти на пастыри церковные имети должни суть, ниже достоит им. Егда же власть имети над правительми и пастыри церковными и своими начнут гордости ради, или сребролюбия, или ненависти, или иныя коея ради вины, тогда близ того властеля будет погибель. Понеже падение есть человеку поглощати святых, яко пишется в притчах, глава к҃: царское бо и начальническое и прочих господ мира дело быти достойно есть праведная повелевати, а неподобная возбраняти. Сего ради всяка власть устроена есть Богом, да злии и лукавии человецы от злых действ воздержани будут. Блазии же посреде злых покойне и мирне да поживут без неправд и невредимо. Того ради царие и начальницы в мире сем уставлени суть, да суд, правду и управление подвластником творят, честь бо царева по псалмописцу Давиду суд любит. Им пристоит злых казнити, пастырей своих защищати. Пастырь же церковный за господина своего временнаго молитися должен есть. Господин же пастыря своего с вещми церковными защищати должен есть, селянин же труждатися и питати обоих, толико господина своего временнаго, елико пастыря души своея должен есть. Сего бо ради мирстии господа власть от Бога приемлют, да на хулящих имя Божие и враждующих пастырем и грабящих церковная достойну казнь будуть налагати без милосердия. Но увы, царие иудейстии сего не сотвориша и много меньши царие израильстии и еще паче меньши царие гречестии и римстии, сего ради глаголет на них Исаиа, глава е҃. Сего ради ведомы суть людие мои плененны, понеже не имеша разума видения и благородна их погибоша гладом, и общество и множество их жаждою изсше. Сего ради расшири ад душу свою и отверзе уста своя без всякаго срока потерпения времени, да снидут крепчайшии его и людие его и высшии и славши его к нему, и наклонится, и смирится муж, и очи высших унизятся. За еже не вняша слова псалмописца Давида, псалом рн҃ї, в начала предписаннаго, си есть: ты заповеда заповеди твоя сохранити зело. Ах, дабы сия внимали и разумели и последним провидение имели нашего времене царие и начальницы, иже чужая похищають и отъемлют, и иже от своих милостыни не творяют, и нищих погнетают, и убога и сира не услышают, и иже мзду на неповинном приемлют и плененных не искупают. И иже у пастырей, колико благая временная, толико духовная противу божественныя заповеди дерзают отымати, да не когда прогневается Господь и погибнуть от пути праведнаго. Дабы чли оно грозно слово Павла апостола в первом к коринфяном послании глава г҃ сице: ниже грабители царство Божие наследить. Всяк бо человек, елико какова достоинства будет, погубит душу свою, аще взятаго церковнаго, егда возможно будет отдати, не исправит, ниже покаяние сотворити восхощет. Внимай о милостыни, яко бывают отнятых вещей церковных, яко ничто же пользует ко спасению. Творяй бо милостыню от граблений церковных за души своея спасения, больши Бога прогневает. Яко пишется во Иисусе Сирахове, глава л҃д: приносяй жертву от имения убогих, яко иже жрет сына пред отцем его. Ко спасенио бо душевных и к получение живота вечнаго не токмо не довлеет чужая не похищати, церквей не грабити, но взыскуется, да и своя имения, праведне собранная, Господеви и нищим пространно удалена да будет. Сего ради глаголется, Исаия, глава н҃и: разломи алчущим хлеб твой. Милостыня бо от вещей праведне собранных свята, погашает грех, яко вода огнь. Научитеся сего ради ныне, царие и князи мира, и разумейте преднаписанная судящи землю, и работайте Господеви с страхом и радуйтеся с трепетом, защищайте пастырей ваших с великою честию, да не когда прогневается Господь и погибнете от пути праведных, яко вси царие, начальницы и князи иудейстии, израильски, римстии и гречестии, яко же выше в преднаписанных полнее явленно есть. Сего ради научитеся нашего времени, о земстии господа, мудрости и разума, да знаете подвластники вашими владети и управу творити, церкви и их пастырей защищати, а не врежати, чтити, а не преткновения творити и их даровании свободна и любезне украшати, а не обнажати, да во веки в небесных с Богом жилищех по семь временном царстве царствовати возможете. Яко пишется в Премудростех, глава г҃: без мудрости бо добре мирстии господа не могут. Тогда бо добре управляется дело народное, егда философы царствуют и царие пророчествуют. Соломон убо, егда царь бысть, на отца своего седалище возведен, премудрости у Господа просяше, презрев честь и богатство, яко пишется в третьей книзе Царств, глава г҃, юже от Бога и получи. Сего ради славне царство свои в велице мире и покои, паче всех царей мира, в велицей чести управляше. Царие бо от праваго управления, еже творити людем, наричутся; тем же, праве управляя, имя царское праве и праведне держит. При древних людех притча бе сице: царь будеши, аще благо твориши, аще ли не твориши, не будеши. Всякому бо властелю временному сего мира достоит быти щедролюбовну, да любовен будет от подвластников своих, не хищник, ни сребролюбец, да ненавистен не будет, ниже зело свиреп, да не яко мучителя устрашаются. Достоит же ему быти милостиву, праведну, да на седалищи судища своего разсыпати возможет всяко лукавство воззрением своим и потребити беззаконные и неправедные и сопротивляющиеся Божию закону; в милосерды же и истине защищати неповинные своя подвластники и церковь с пастырьми любити и чествовати. Милость бо и истина хранят царя, и престол его укрепится, яко пишется в притчах, глава к҃. Сего ради властелю морскому не достоит быти сребролюбну, хищнику и на церковная благая села и имения наступати и к своим приписывати, и пастырем своим претыкания творити. Но паче достоит быти мудру и сильнпу, злых наказующу, и достоит быти милостиву, и сирым и пришельцем и к своим подвластным сладколюбителю, да и от них паче возлюблен будет не по боязни, и да служат ему в любви, а не в боязни. Тогда бо господину праве и добре служится, егда ему служба творится по любви, а не по боязни. Добродетельному господину пристоит любовное служение. Господину же мучителю и злому хищнику, человецы же подвластницы работают не от любве, но от страха, да вреждени от него будут. Любовь бо и милосердие, и истина, и правда щедраго господина к своим подвластникам хранят честь, славу, хвалу, отечество и царство. Всех мирских господ милость украсит престол его. Ни единому бо от всех человек достоит милость толико имети, елико начальник. Сего ради достоит начальнику морскому любити милосердие, истину и правду, да будет делом своим и подвластник своих праведен судия, да не судит по лицу, и да не будет на лица зрения и мзды приемник. Честь бо царева суд праведен любит и правду. Такожде достоит начальнику мирскому имети верность соборную, да будет заповедей Божиих истинный и совершенный хранитель, и пастыря своего храбрый защититель и подвластников своих милостив властель. Како же подвластники своими добре владети кто может, иже своему Господеви высшему, си есть Богу, покоритися отрицаеть? Аще кто хощет православные христианские подвластные себе люди управляти, сему прежде достоит себе Божию правительству повинути: повинуяйся бо Богу господин истинный вменится; без Бога ни едина есть власть. Понеже по великаго пророка Давида слову: в силе Господни возвеселится царь и о спасении его возрадуется зело. И во псалме ꙁ҃г: царь же возвеселится о Боге; без Бога бо царю ни едино есть веселие, ни едина радость, ни едина честь, ни едина слава, ни едина хвала, но вечная болезнь, вечная теснота, безпрестанная скорбь и безконечная печаль. Господин мирский, иже хощет да служат ему верне и любезне подвластники его, той первее да служит Господу Богу своему, по словеси псалмописца Давида, псалом р҃а: внегда собратися людем вкупе и царем да работают Господеви. И во Иисусе Навине пишет, глава к҃д: бойтеся Господа и работайте ему сердцем совершенным. И Лука евангелист глаголет, глава а҃: да работаем ему в святости и правде. И псалом к сице: и ныне царие разумейте и накажитеся судящии землю. Что же разумети им достоит? Псалмописец абие приложи глаголя: работайте Господеви со страхом и радуйтеся Ему с трепетом. Работати бо Богови, яко глаголет писание, царствовати есть, работати же человеку мука есть естества. Внимати же треба есть, еже власть и настоятельство духовное и мирское обое изболится от власти Божественныя. И сице толико мирская власть под духовною, елико от Бога духовное достоинство предложено есть, сего ради больши достоит власти духовной, неже мирской. По словеси блаженнаго Григориа, неверствия получит грех, аще кто христианина себе укрепляет быти, а апостольскому седалищу повиноватися презирает.

В Деяниих Апостольских, глава д҃, пишется: повиноватися нам достоит больши Богови, неже человеком, сиречь, больши церкви и пастырю ея повиноватися нам достоит во всем, неже господину мирскому. Откуду к похвале повинования и послушания рече некто в толковании на сие Исаиино слово глава к҃: иди и разреши вретище от чресл твоих и сапоги возьми от ног твоих, и сотвори тако Исаиа, ходя наг и без сапогов: дивно, рече послушание, единою власиницею облачаше муж благороднейший (яко евреи предают), его же дщерь Манасиа царь поят в жену, не устрамися наг ходити. Ни что честнее, ни что лучши вмени елико Господеви послушание творити. Сего ради и писание свидетельствует, еже послушание больши есть, неже жертва. Тем же творите послушание, о мирстии господа, пастырем и настоятелем вашим, и давайте им милостыню: села, грады, стяжания, злато и сребро, яко и прежде вас начальницы и князи, отцы, деды и прадеды ваши твориша, веселаго бо дателя любит Бог, яко пишется во втором послании к Коринфяном, глава д҃. Сего ради уготовайте сердца ваша Богу, о начальницы мирстии, и работайте Ему единому и пастырем вашим достойне, праве во всяком смирении и послушании, а не диаволу и мирови. Бог бо в настоящей жизни избавит вы от руку филистимлю, сиречь от руку всех врагов ваших, яко пишется в Царстве а҃ книзе, глава ꙁ҃. Аще ли цари сопротивно сему сотворят, не повинующеся пастырем, тогда царство их несть царство, ниже царство их постоянно и крепко быти может. Разрушит бо их суд Божий палицею диавольскою, яко предреченных всех кесарей и царей. Аще ли не восприимут наказания и отягчат сердца своя, яко непокорный Фараон, египетский царь, тогда накажет их Господь седмерицею, да сице отягчени сердцем без плода покаяния в гневе и ярости Господни погибнут от пути праведных во огнь вечный и в муку безконечную, идеже по словеси евангельскому будет плач очесем и скрежет зубом, и идеже мучители не оскудевают и мучимии не умирают, но проклят мучится без избавления выну во тьмах кромешных, лишен зрения лица и благодати Божественныя. И в совершенном зле вопиет, Иеремиино слово глава к҃: проклят день, в онь же родихся; проклят час, в онь же зачат мя матерь моя. Внимай, еже обще всяк непослушный пастырю своему зде в настоящем мучим будет, будущей начало творя муке, во веки пребывающей. Зде же, дабы видели и разумели, что по сих во аде последует, по оному писанию Божественнаго словеси: сугубым сокрушением сокруши их Господь и прочая. О власти же, силе и деле благаго пастыря треба есть внимати словеса евангельская сия: аз есмь пастырь благий. В сих словесех услышим Господа Иисуса Христа, благаго пастыря дела хваляща. В ней же предложити можаше, глаголя: аз есмь пастырь благий, и посему, еже рече благий, назнаменуя и злых пастырей быти, иже во евангелии наемницы наричутся. Почему же пастырь благий познатися может, являет глаголя: пастырь благий полагает душу свою, положи за овцы своя, еже Христос творит учаше. Первое сам своим действом предпоказа, понеже душу свою положи за овцы своя, сиречь, за сия, иже на судищи одесную стати достойни суть, за яже в настоящем ему последоваша. Сего ради пастырь благий добре Христос быти имать, понеже душу свою за овцы своя положи. Но егда инии не суть блазии пастырие, егда Петр не бе благий пастырь, понеже и той душу свою положи за овцы? Сице и Павел и прочии апостоли, сице и святии мученицы, и святии отцы, вси любве ради овча и церкве Божия кровию своею окроплени суть, ведомо есть. Вси же тии пастыри блази беша, не токмо еже кровь свою за Христа пролияша, но и за овцы и церковь Божию пролияша кровь свою. И егда Искупитель наш толико пастырей благих будущих предвидя, что ради себе единаго благаго пастыря похваляше, глаголя: Аз есмь пастырь благий; что же есть cиe, еже особая единаго пастыря похваляет токмо? Понеже единым пастырем благим единство всех благих пастырей знаменует. Понеже Христос своим телом, еже есть церковь, едино тело есть. И сего ради истинно благий пастырь есть, иже с прочими пастырьми уды своими един пастырь наричется. Или истинно себе особне ставль прочих, благаго пастыря именует, да прочих, к равенству и благости своей ничто же благости явит имети. Ибо и тии пастырие блази суть, не какой сия от единаго пастыря приемлют, сиречь от Бога, еже есть существенна благ. Человецы бо не могут от себе быти блази, но от Бога, иже существенна благ есть. Зде же пастырем церковным сия внимати треба есть, сиречь, да первое внешняя благая неимущим всем щедре и милосерде дают. Потом же, аще нужда будет, душу за погибающая овцы положат и церковная благая села, стяжания и сокровище церковное храбра даже до своего кровопролития защищают. Ибо иже во время покоя не подаст помощи временный, немощен во время гонения и церковных вещей отымания положити душу свою. О сем Иоанн глаголет: аще кто видит брата своего требующа и затворит утробу свою от него, како любовь Божия пребывает в нем? а еже пастырем добрым к созидание верных за овцы своя и за стяжание церкве своея душу свою положити достоит.

Той же Иоанн апостол свидетельствует глаголя; яко Христос за ны душу свою положи, тако и мы должны есмы души наша за братию нашу положити. К сему и Соломон глаголет: егда сядеши за трапезою сильнаго, мудре разумей, яже предложена суть пред тя и посли руку твою, ведый, яко таковая достоит ти уготовати; яко бы рек, аще за трапезою сильнаго Бога, си есть к престолу приступиши, разумей, яже предложена суть пред тя, сиречь тело и крове тайну достойным чествованием помышля, и посли руку твою, сиречь, дела твоя, ведый, яко таковая ти достоит уготовати, си есть к потребе верных за Господни овцы смерть прияти, аще нужда будет. Суть в церкви Божии нецыи пастыри не добры, иже во евангельском словеси наемники наричутся, иже виною временнаго прибытка Христа проповедуют, яко апостол глаголет: яже суть своя ищут, не яже суть Иисус Христова. Сего ради таковы не пастыри, но праве наемницы наричутся, понеже не Божия ради любве овцы Господни, но за временную мзду пасут. От сих словес легко разумети можем, что есть разнство меж пастыря благаго, и меж наемника. Оба убо суть в церкви Божией, оба властельствуют овцами, селы, стяжании и прочими церковными имении, но разнственно. Пастырь бо воистинну Христа проповедует; наемник же виною прибытка временнаго Христа проповедует. Сего ради любими суть пастыри и последуеми; наемники же терпими, ибо явственно понеже и ты не весьма не ключими суть, но отчасти суть потребны, ими бо слово Христово проповедуется, аще и не исполняется. По оному Господню словеси, яже глаголют: творите, по делом же их не творите. Егда же таковы путь истинный проповедуют, не толико спасения тех ищут, им же проповедают, елико своея потребы и сребра ради, или хвалы ради человеческия. Услышающии же их аще словесем их благим веруют, делом же их не последствуют, той иже проповедует, уже восприят мзду свою и погибель имети будет. А им же проповедуется, будут имети прибыток. Наемник убо, егда видит волка грядуща, бежит, волк же на овцы Господня приходит. Егда кой же грабитель и святотатец и мучитель неправедный, властель мирской и враг церковный верных и смиренных погнетает, стяжания церковная отъемлет, вдовы и сироты и пришельцы потесняет и вреждает, и безпрестанно стадо отходить верных, сокровища стада Господня к своему прилагает, и верные люди потесняет,–таковых волков, егда наемник видит, бежит. Егда беды временныя устрашается гонителей и властию себе преданною и порученною противлятися не смеет, таковым пастырем чрез Иезекииля пророка глаголет Господь: не взыдосте противу, ниже положисте стену за дом Израилев, да станете на ополчение в день Господень, Противу же взыти сице разумеется: властем и начальству мира сего на праве, что в церкви Божией и церковных вещех, селех и стяжаний действующим свободным гласом и храбре церковною властию противлятися. В день же Господень за дом Израилев стояти, сице разумеется: неповинныя и Христовы овцы и стяжания церковная, вся толико подвижная, елико неподвижная противу развращенных человек неправд по правде и церкве святыя властию противлятися и защищати, и отмщати. Сих наемник не творит, понеже, егда видит волка грядуща, бежит не телом, но мыслию; бежит бо не место пременяя, но не творя утешения и помощи к защищению. Понеже токмо иже на внешняя и временная дышит, внутренних стада Господня убавлений не брежет. Егда видит сильнаго противу церковных стяжаний возстающа и села церкве своея и сокровище Господне в грабительство идти, молчит и попущает, и насильника не обличает, ниже сопротивляется, и не смеет властию церковною наемником противитися, бояся да епископства или игуменства и угодия временнаго не лишен будет. Како ея же ради вины наемник бежит, Господь являет во Евангелии, глаголя: наемник же бежит, понеже наемник есть и не печется о овцах. Сего ради во время беды стати и душу свою положити за овцы не может. Аще бо и владеет овцами, но не любит их, понеже временный мзды и славы мирския и чести, и хвалы, и богатства от властей мирских ищет и попечения о овцах и церковных стяжаниих, себе порученных, мирския ради боязни временнаго господина мало или ничто же имети являет. Благий же пастырь, понеже знает овцы своя, и овцы знают его, сиречь любит овцы своя и овцы любят его, и не бежит, егда видит волка грядуща. Но противу волка грядущаго себе поставляет, овцы своя храбре ключи церковными защищает, церковная имения, села, сокровища Господня отняти не попущает, ниже боится от могущаго тело взяти, но душу свою, в любви за овцы своя и за церковь свою порученную, полагает, кровь свою проливает, бедам многим себе вдает, от властей мирских безчествуем бывает, и паки от седалища своего изгнан бывает. Яже вся Бога ради и царства ради небеснаго за спасение души своей каждый пастырь творити и страдати за овцы и за церковная имения мужественна должен есть, да живот вечный со благими всеми пастыри получит. Идеже будет опасное и истинное свободство, вечное благочестие, безсмертное веселее. Идеже вся Троица Бог пастырей и овец своих безконечно видим будет, и безконечно возлюблен, и безпрестанно хвалим. Сего ради благий пастырь в заточение и скорбь мира сего и нужду ввержения да не боится мирскаго властеля. Ниже путем жизни сея оскудеет, да во отечестве места не погубит, ниже закоснение сотворит на защищение церковных имений, но безскорбно противящимся и на церковная наступающим себе противу да поставит. На сопротивление бо таким да не будет ленив, но паче вскоре таковых отлучати властию им на то данною должна суть. Аще ли не послушают и заповедь святыя церкве и власть пастырскую презрят, да будут держими, яко невернии и язычницы, и яко анафеме предани от святыя церкве. Всяк убо, иже церковная стяжания села или сокровища отъемлет или насильствует и вреждает от Святых Отец, отречен и отлучен наричется зде и в будущем. Зде бо боязнь имать и сгубление временный власти, в будущем же погубит вечныя славы царства. Чудное Божие прозрение! Вся царства гордящаяся на церковь Божию разруши. Израиль убо в десяти коленех Иудовых, противу воли Божией согрешающих, в Дамаск и Сирию раздели. И паки обои пленены суть от Ассирии и от Халдей; Иуда же от ефиоплян и египтян. И тии паки побеждени от Ассирии и от Халдей. Ассирии же, понеже на ся уповаша и дерзнуша и на церковь Божию и стяжания церковная наступиша, от Халдей погибоша. Халдеи и вавилоняне, направльшеся противу Господа, мидяном и персом покорени быша, ни же Александру Великому, Александр же егда, яко Бог себе возвышаше, ядом погибе. Царство же его на десять частей разделено бысть, и потом римляном покорено. Римское же кесарство, еже яко железными зубы и ногти телеса святых раздираше, от большия части уже погибе, наконец же и все погибнет, егда царство Божие просветится. Понеже по евангельскому словеси, Матфей, глава ꙁ҃ всяко древо, не творящее плода добра, посекаемо бывает и во огнь вметаемо. К велицей бо правде судящаго пристоит, да никогда лишени будут муки, иже в сей жизни пребывая никогда лишается греха, и ни един дастся урок времени отмщения беззаконному и неправому, иже елико живяше не хотяше престати от греха. Кто даст им единова умрети, да не умирают во веки, иже рекут горам: падите на ны, и холмом: покрыйте ны. Что же есть рещи се, токмо еже хотят смертно смерти избыти, ниже возмогут, аще хотят или ни; во огне всегда пребудут по тяжком словеси осуждения, егда речется им: не знаю вас, отыдите от мене, проклятии, во огнь вечный, вам и диаволу уготованный искони. Сия малая, архиепископе достойнейший, господине честнейший, по разума моего осязанию от разных писаны святых отец в едино разуму и достоинству твоему писах о православный церкве свободстве, ея же врата адова не одолеют. В сих пастырь церковный светле зрети может, како господина своего мирскаго царя, или начальника временнаго чествовати, и отечески, яко сына, учити должен есть по евангельским заповедем, да жизнь получити возможет вечную. В сих такожде и царь, Мирский господин, зрети может, како ему пастыря церкве Божия, правителя души своея, яко отца духовнаго, чествовати достоит, и ему во всех и по всему без роптания, без прекословия, яже к души своея спасению пристоят, послушну быти. Безмерная вседержителю Богу Отцу и Слову и Параклиту воздаю благодарствуя, иже настоящее писание ваше от многих и разных учителей писаны уделано в настоящем аф҃е-м лете, в г҃ каланд февраля даже до конца доведе. За сия сие едино мне зело требе есть от отечества твоего святаго, и смиренне молю, дабы еси за мя злаго и окаяннаго, и тягчайшаго грешника меж всех грешников к Богу молитву благоговейну сотворити изволил, да, молитвы твоея ради, всем грехом моим приемлю отпущение, в землю апостольскую, сиречь в райское веселие, вкупе с тобою возмогу благочестив внити, идеже царствует Владыка и Господь наш Иисус Христос Сын Божий, благословенный одесную Отца, о Его же имени поклоняется всяко колено небесных и земных, и преисподних; Ему же слава и честь, и величество, и велелепота, сила и власть, владычество и царство в веки веков, аминь.

Отдельный оттиск из №№ 4–5 Душеполезного Чтения 1910 г.